CILACAP – Polresta Cilacap bareng Dinas Pengelolaan Sumber Daya Air (PSDA) Kabupaten Cilacap lan masyarakat dadi pandelengan apik ning tengah udan deres sing ngguyur Kabupaten Cilacap awit dina Ahad (12/10) wengi nyampe Senen (13/10) esuk. Petugas kambi warga pada nyengkuyung kerigan bareng ngresiki selokan ning Perumahan Sidakaya Indah Soepomo Grand Village, Jalan Kembang Nusa RT 04 RW 15, Kelurahan Sidakaya, Kecamatan Cilacap Selatan.
Kegiatan iki dipimpin langsung Kapolresta Cilacap Kombes Budi Adhy Buono, Senen (13/10) sore. Kegiatan ngedunna sekitar 30 personel saka Satuan Samapta lan Polsek Cilacap Selatan. Personel mudun langsung mbantu masyarakat ngresiki blumbang lan dalan banyu sing kesumpel lempung lan sampah supaya banyu bisa mili meng kali.
Senajan udan ora mandeg, semangat para personel Polresta Cilacap ora surut. Personel bareng PSDA lan warga tetap kerja keras mastikna aliran banyu lancar maning lan kubangan cepet surut.
Kapolresta Cilacap njelasna pihake nglakukna pengecekan milai sekang pintu masuk perumahan nyampe jalur drainase sing terhubung maring Jalan Lingkar Selatan. Sekang hasil pemeriksaan ditemukna salah sewijine titik penyumbatan sing nyebabna banyu mbludak maring dalan lan pekarangan warga.
“Kula bareng anggota saka Samapta lan Polsek Cilacap langsung mriksa lokasi banjir. Saka asil pengecekan, ketemu ana penyumbatan ning sawetara titik aliran drainase sing luwih gedhe. Kula prentahna anggota supaya nulungi warga lan tim saka PSDA kanggo ngresiki blader lan uwuh sing nyumpel,” ujar Kombes Pol Budi Adhy Buono.
Petugas bareng warga nggunakake piranti sederhana kaya cangkul, sekop, lan ember kanggo bukak saluran supaya banyu bisa mili maning menyang kali, hasil kerja bareng-bareng iku ngasilake kasil positip.
“Alhamdulillah, banyune saiki wis lancar mili. Kula uga sampun mrentahake Kapolsek Cilacap Selatan supaya rembugan karo pengurus perumahan, nggagas langkah-langkah pencegahan supaya saluran ora kesumpel maning. Yen drainase resik, banjir ora bakal kelakon maneh,” terang Kapolresta.
Saliyane ngresiki saluran banyu, personel Polresta Cilacap melu mbantu masyarakat lan pelajar sing arep mangkat sekolah ben tetep bisa beraktivitas neng tengah kubangan banyu lan udan deres.
“Kita uga melu mbantu warga lan siswa ben aktivitase tetep mlaku lancar sanajan kahanan cuacane ora ndhukung,” tambahe maning.
Kegiatan sing berlangsung ing tengah udan kuwi ulih apresiasi warga setempat. Warga nganggep yen tekane Polresta Cilacap bareng PSDA lan masyarakat dadi wujud nyata kolaborasi lan kepedulian marang lingkungan, sekaligus dadi upaya bebarengan kanggo ngatasi bajir ing wilayah Cilacap Selatan.
sumber : https://news.detik.com/berita/d-8159185/polresta-cilacap-kolaborasi-dengan-warga-bersihkan-sumbatan-pemicu-banjir
