Pemerentah Kabupaten Cilacap ngelingna masyarakat ben ora aweh duwit maring tukang ngemis nang dalan sembarangan.
Aturan anyar iki wis diatur neng Peraturan Daerah (Perda) Nomor 2 Tahun 2024 ngenangi Penyelenggaraan Ketenteraman, Ketertiban Umum, dan Perlindungan Masyarakat (Tibumtranmas dan Linmas). Sapa baen sing ngelanggar aturan iki bisa kena ancaman denda administratif nyampe Rp5 juta.
Sekretaris Satpol PP Kabupaten Cilacap, Rohwanto njelasna ketentuan larangan iku tercantum neng Pasal 22 dan Pasal 23 Perda.
Pasal 22 Perda ngatur yen sapa baen dilarang dadi pengemis, pengamen, gelandangan, pedagang asongan, utawa tukang ngelap mobil neng jalan raya lan persimpangan. Rohwanto nyebut nek pengemis lan pengamen sering keton akeh neng persimpangan lampu merah Cilacap. Kondisi iki nganggu lalu lintas karo memicu risiko kecelakaan
“Faktane, Cilacap kie sebenere kota relatif kecil, tapi neng traffic light akeh banget pengemis karo pengamen. Iki tentu ngganggu lan berpotensi menimbulkan kecelakaan,” omonge.
Larangan iki sekaligus dadi upaya serius Pemkab Cilacap kanggo njaga ketertiban kota. Aktivitas ngemis sing melibatkan anak-anak, bayi, lansia, utawa penyandang disabilitas kanggo nimbulna rasa iba dianggap salah siji bentuk eksploitasi sing dilarang keras aturan.
Rohwanto ngomong nek masyarakat tetep bisa nyalurna niat apike lewat jalur resmi, kaya panti asuhan, yayasan sosial, utawa lembaga kemanusiaan sing terpercaya. Pramila, bantuan lewih tepat sasaran lan ora nimbulna gangguan ketertiban neng dalan.
“Nek arep nyumbang, monggo lewat panti, yayasan, atau anak yatim. Iku lewih tepat sasaran,” ujare.
sumber : serayunews.com
