Awas sing seneng mbuang sampah sembarangan!!! Nah, Pemerintah Kabupaten Cilacap arep serius soal sampah liar. Bupati Cilacap Syamsul Auliya Rachman negesna rencana masang kamera (CCTV) nang lokasi sing sering dinggo mbuang sampah sembarangan.
Syamsul uga ngomong, nek rencana kiye dilakukna merga ana lokasi-lokasi tempat sampah liar nang jalur Dalan Setiabudi. Rencana masang CCTV kuwe tujuane men nek ana warga sing mbuang sampah sembarangan, arep ditekani lan dibina.
Rencana kue dipaparna pas puncak peringatan World Cleanup Day (WCD) 2025, Sabtu (20/9/2025) winginane.
Nang acara WCD wingi dipusatna nang Dalan Setiabudi tekan Pantai Kemiren, lan sing melu ana ribuan peserta sekang unsur Forkopimda, sekolah, perguruan tinggi, LSM, komunitas, pelaku usaha, tekan masyarakat umum.
WCD 2025 kuwe ngusung tema “Menuju Indonesia Bersih 2029” lan kegiatan gotong royong serentak di 38 provinsi selama sewulan nutug, mulai tanggal 15 September tekan 15 Oktober.
Pemkab Cilacap uga arep ngoptimalna fungsi TPS Kemiren men ora ana TPS liar nang pinggir dalan. Ora mukur kuwe, Bupati Syamsul ngimbau masyarakat nggo ngurangi nggunakna plastik sing sekali pakai lan dibiasakna ngelola sampah nang umahe dewek.
sumber: rri.co.id
