Ora kur bahas pembangunan jembatan alternatif penghubung antara Provinsi Jabar karo Jateng. Pertemuan Bupati Pangandaran Citra Pitriyami karo Bupati Cilacap wulan winginane. Pertemuan kuwe juga mbahas rencana aktivasi shuttle sekang Stasiun Sidareja Cilacap meng Pangandaran.
Menurute Bupati Citra, seliane infrastruktur jembatan, konektivitas transportasi sekang lan meng Pangandaran dadi perhatian utama.
“dadi, dewek juga mbahas kereta api sing tekan Stasiun Sidareja, Cilacap. Rencanane, ngko garep ana shuttle (antar-jemput) sekang kana meng Pangandaran,” ujare Bupati Citra Pitriyami nang Desa Maruyungsari, Kecamatan Padaherang, Sabtu (13/9/2025) awan.
Sedurunge, memang layanan shuttle (antar-jemput) sempet dioperasikna sekang Stasiun Banjar meng TIC Pangandaran. Tapi, layanan shuttle (antar-jemput) kuwe mandeg mergane ana kendala teknis sing ora bisa dijelasna secara rinci.
“Maune memang sekang Stasiun Banjar, tapi merga ana hal sing ora dikepengini, dewek nggelet alternatif. Nah, dewek wis diskusi nggo ngalihna meng Sidareja men lewih efisien lan nggawe kepenak wisatawan,” omonge.
Anane shuttle sekang Stasiun Sidareja, wisatawan sing teka nganggo kereta api sekang Jakarta utawa daerah liane bisa langsung nerusna perjalanan meng destinasi wisata nang Pangandaran.
“kuwe rencanane. Semoga bisa mlaku lancar lan membawa dampak positif meng pariwisata lan ekonomi masyarakat,” omonge Citra.
Sumber : TribunJabar Penulis: Padna | Editor: Seli Andina Miranti
