Presiden Prabowo Subianto negesna, pengakuan lan penyelesaian Palestina nang KTT PBB dadi tanggung jawab bareng njaga kredibilitas. Presiden Prabowo pun mastikna, dukungan Indonesia nggo ngrampungna konflik Palestina.
Presiden Prabowo ngancem kekerasan, perilaku ora manusiawi sing ditampa warga sipil Palestina. Ndeweke nilai, forum pertemuan pemimpin dunia kuwe seharuse bisa dadi momentum nggo nggelet solusi konkret lan berkeadilan.
Ndewekne uga mengutuk kabeh bentuk kekerasan sing ditampa nang warga sipil sing ora bersalah.
“Merga kuwe, dina kiye sing penuh martabat, dewek kumpul nggo njiot tanggung jawab sejarah,” omonge Presiden Prabowo pas menghadiri KTT PBB, Markas Besar PBB, New York, Amerika Serikat, Selasa (23/9/2025).
Pengakuan nggo negara Palestina dadi langkah penting nggo ngendeg bencana kemanusiaan. Teruse, Indonesia negasna maning komitmene nggo solusi dua negara (two-state solution).
Indonesia, jere Presiden Prabowo, siap melu aktif nggo njaga perdamaian, nek perlu termasuk ngirimna pasukan penjaga perdamaian. Presiden uga nyampekaken apresiasi nggo negara-negara sing aweh dukungan nyata nggo kemerdekaan Palestina.
Sementara, Presiden Prancis Emmanuel Macron ngumumna, pengakuan resmi negarane nggo Negara Palestina. Macron nyatakna, ora bisa nunggu maning nggo ngakui negara Palestina.
Pada karo Presiden Prabowo, Emanuel Macron be kaya kuwe, ndewekne mengecam kekerasan sing dilakukna Israel nang Palestina. Terutama serangan Israel nang Jalur Gaza sing ngakibatna akeh korban sipil, termasuk wong wadon karo bocahan.
Sumber: rri.co.id
