Jelang laga persahabatan Timnas Indonesia nglawan Lebanon nang Stadion Gelora Bung Tomo, Surabaya, Senin (8/9/2025) wengi, kabeh tim kuwe nganakna latihan nang dina Minggu (7/9/2025) sore.
Timnas Indonesia nganakna sesi latihan tertutup. Nek Timnas Lebanon latihane terbuka nang Stadion Gelora Bung Tomo, Surabaya.
Cara pelatih Timnas Lebanon, Miodrag Radulovic, pertandingan uji coba ngelawan Timnas Indonesia bakal dingo nggo persiapan sedurunge babak kualifikasi AFC Cup 2027 sing bakal digelar nang bulan Oktober.
Nek pelatih Timnas Indonesia, Patrick Kluivert njejel formasi sing beda pas laga ngelawan Taiwan Jumat (5/9/2025) wingi lan ana potensi dinggo maning nang laga ngelawan Lebanon.
Ora mukur nganggo formasi telu bek, Kluivert njajal formasi 4-2-3-1.
Pelatih sekang Belanda kue ngaku uwis suwe kepengin nganggo formasi kuwe, tapi esih mbutuhkana waktu men nggo beradaptasi.
Sedurunge Ketua Umum PSSI, Erick Thohir ngomong kekuatan Timnas Indonesia tembe arep diuji pas nglawan Lebanon nang Stadion Gelora Bung Tomo, Surabaya, Senin (8/9/2025) wengi.
Cara Erick, Lebanon lewih duwur ranking FIFA dibandingna karo skuad Garuda. Sebab kuwe Erick ngomongna, pertandingan persahabatan nglawan Lebanon dadi tes sebenere nggo tim asuhan Patrick Kluivert sedurunge pertandingan babak kepapat kualifikasi Piala Dunia 2026 zona Asia.
Sumber : Kompas.tv – 8 September 2025, 15:49 WIB
